KAHATUR
PAMINGPIN LELEUS LIAT
Udin
jamedud. Dina sajeroeun dadana aya katugenah mangsa geusan méré kamandang ka
sakadang Lin (salah sahiji calon ketua nagara Iimplengan).
“Nyah
ceuk uing gé, satamah, euy?” cekéng neugtreug.
“Heu.euh,
ri teun da nyah piraku teuing, di omongan kumaha, teu di omong deui kumaha.
Dicarékan piraku, teu di carékan... sidik tara ngarti jalmana? geus euy urang
mah ti wangkid ieu tuturkeun wé naon hayangna, tong loba omong, leuheung mun
didangu ku jejewirna” cenah omong babaturan bari ngunggeuk-ngunggeukeun
sirahna. Geusan kitu laju ngelepus udud.
“Cekéng
téh: ayi... pami teu sanggem janten pupuhu mah, atos wé atuh, angguran
percantenkeun ka batur... éh da naha... heuras ala batan ti batu euy huluna téh!
Malah manjar ngaing nu dicarékan! Diingetan téh, nu asih dipulang seungit.
Bebel!” Cekéng rada ambek.
“Heu.euh
keun wéh antep, ulah geureuh ulah carék, marukna jadi pamingpin téh kumaha
nyah?”
“Lain
meureun euy, dina otakna mah jadi pamingpin téh séksi; loba duit, katanggar ku
jalma loba, ditanggeuy. Padahal disatukangeunana mah pada ngamarényonan tatéh,
pada ngaléléwé, jeung pada disupata ku batur mun gawé teu alus téh nyah?”
“Geus
jing ah, sidik kandel kulit beungeut jalma éta mah, omong réa ti batur gé, moal
dianggap, siga anjing ngagogogan kalong. Malah manjar pidosaeun keur urang. Jep
ayeuna mah. Répéh”.
“Heu.euh
euy hanjakal boga picaloneun pamingpin téh, jaba ti teu démokrasi, leuleus liat
deuih, di gebrag gé sigana mabur; pilih rahayat atawa kabur! Pasti jawabana
moal bina ti kabur euy. Pamingpin leuleus liat mah di ténjrag gé mabur. Kabur
mas brooo yu... ah!” omong cekéng bari nyiwit susu babaturan.
“Sia
ku ngaing nu kudu di bebekna ieu mah” omongna bari ngusap-ngusap susuna nu tadi
kukuring di ciwit. Ger tidinya kuring jeung babaturan bisa lepas sareuseurian.
Tidak ada komentar:
Posting Komentar