RANGGEUYAN PEPENDEMAN
ku
Sopyan Hardyansyah
Ngarakrak rangeuyan pependeman,
dina kawening, jero kasimpé
sarohangan dada, aya nu ngabungbulak sajenis kangen
sabaraha asma mindeng hideng ngawirid sorangan na pipikiran,
saha salira?
Iraha urang rék tepung kieu, sidik dia mah goib
poé ka poé, haté remen galécok, tapi jeung saha?
Dia nu mana? Sobat ti lahir?
Ayi... atanapi aka baé kitu nyah nyebatna...
mindeng uing diri ditangkeup kakangen,
hayang di kieuna urang silih réndéng pasidik-sidik paroman
séwang-séwang,
silih tangkeup silih deuheup ku kahéman, silih titip pepesenan...
luas teuing ka goib, najan taya di kieuna...
tapi urang remen galécok lin?
Yi... ka... haturan nyanggakeun salam ti uing,
Assalamu’alaikum, bismillahi rohmannirrahim....
Tidak ada komentar:
Posting Komentar